إیسترمین- شعریت

کؤنگیلگه باس محبّت چؤغی، دردین تازه إیسترمین.
باشاق تارتگن بو آغریقلرنی یازه - یازه إیسترمین.

سؤنیب بیتّی، ساوب بارماقده سیوگی داستانین کؤر،
قؤلینگنی بیر قؤلیمگه ینگیدین آوازه إیسترمین.

اؤلنگلرنی بغیرلب، میسه لرنینگ سؤزلرین تینگلب،
قوچیب بیر- بیرنی شاد ائلرگه، غاو سبزه إیسترمین.

زمان قریب بارادورعمریمیزنینگ قالمس اوشاّغی،
بو بیش کون آنیده یوزعصر چاغلیق لحظه إیسترمین.

کوموش تن اوزره سهون کؤزلریمنی یؤرمه لتماقّه،
ادب سیزلیق بیله، باشیم ایگیب، اجازه إیسترمین.

قؤئیب مین دین و عقبی سین، سنینگ یؤلینگده کویدیرسین،
تموغین جانگه آلگن مین، قموغدین روزه إیسترمین.

بؤغیز نم بؤلمه دی جانیم چوچوک حسن ینگ شرابیدین،
دوداعینگدین اچیق میلرنی کؤزه - کؤزه إیسترمین.

یاووزلیک، قان تؤکیشلر جانگه یتّی، فتنه دین تؤئیدم،
بوزوق تقدیر کیره کمس، خلقتین پاکیزه إیسترمین.

شاعر لیک مُهرینی کؤکیسینگه باستی روزگار سؤیله،
اگر اؤزگرتمسنگ دورین، ایلیگنی نازه إیسترمین.

إیشانچ بیلدینگ کتاب و ایلچیسی یالغان بو دینلرنینگ،
بَرینی اؤتگه سال، ایرلیکینی بی اندازه إیسترمین.
--------
1.اؤلنگ- اؤت، کوی- قؤشیق؛
2.اوشاغی- بؤلـَگی، میده سی؛
3 آنیده- لحظه سیده؛
4. تموغ- دوزخ،
5. قموغ- جنّت.