تیل و ادبیّات
درباره سایت
آخرین مطالب
امکانات وب
اولوغ نوایی نینگ شاه غزللریدن
>>>>>>>>>>>>>>>>>>
>>>>>>>>>>>>>>>>>>
ائلـَره م
------
یاغلیغینگ إیلگیمده، اشکیمنی روانه ائلـَره م،
کؤزگه سورتوب، اشک اریتماغنی بهانه ائلـَره م.
اول کؤزومغه چون یتیب تسکین تاپیب گریانلیغی،
کؤزدین آلغچ، ینه اشکیمنی روانه ائلـَره م.
ینه یتکچ، کؤزگه اشکیم تورسه آلورمین انی،
ینه بارسه، چاره سین بو نوع ینه ائلـَره م.
کؤزده کیرپیکلرنی تیللر ائله بان هر تاریغه،
ضعف حالیم کؤز تیلی بیرله فسانه ائلـَره م.
بل که هر تاریغه جانیم رشته سین چیرمشتوروب،
جانیمه کسب حیات ِ جاویدانه ائلـَره م.
بیر قدح بیرسنگ که، توتسه مغبچه، ای پیر دَیر،
نقد دین سرمایۀ جام ِمغانه ائلـَره م.
ای نوایی، تاکه بؤلمیش مین فنا دَیریده مست،
عقل و دین تشویشیدین فارغ ترانه ائلـَره م.
---------
یاغلیق- رومال
برچسب:
نویسنده: ترانه قنبریپور