شعریت- عرب داستانی

سرابلرنی صنم دیب، اقچه میزنی کؤکّه ساورگن،
عرب شیخیگه قوللیک ائله گن جرار مللتمیز.

باشیده خام خیاللرنی پیشیرگن، عاقبت سیزلیکدن،
تیکیب اؤز بار و - یاغین، در- بدر بیکارمللتمیز.

عربچه چیرت و چیرتلرنی یره تگن نینگ کلامی دیب،
یاووزلیکدن اؤگیرمی یوز، عجب دیندار مللتمیز؟!

قویوب آخوند و ملا اذنیگه إیکّی دنیامیز،
قیلیب عقلنی تعطیل یتگودیک، تیّار مللتمیز.

آلیب قورشاووگه بیزنی سیم تیکندیک جاد و جمبل،
خرافات و طومارو تعویضلرگه یار مللتمیز.

دعالرنینگ چوروک ارقانیگه بؤینیدن آسیغلیق،
« آمین!»گه قؤل کؤتاریب، غیبگه دیدار مللتمیز.

کثافاتگه کؤمیلدیک بولغه دیک تازه دنیانی،
اؤزینی اسره گن گویا هنوز هوشیار مللتمیز.
.
إیشانچ کفر ائتدی، دیب قؤزاغلسه ایل هردم، عجب ایرمس،
اؤلوم عفیونی یو، دین آغوسیدین خمّار مللتمیز.