نوایی نامه- نوایی زمانیده تورلی کسب ایگه لریگه حق تؤلش قی ترتیبده بؤلگن؟

بؤلگن؟

حرمتلی اؤقووچی
کیزی کیلگن ایکن شونی ائتیب اؤته ی که، نوایی ایجادی هلی تؤله اؤرگه نیلگن دیب بؤلمه یدی. هلیگچه شاعر تفکّری نینگ قت- قتیگه کیریب باریلمه گن. ادیب ایجادینینگ آچیلمه گن قیرّه لری جوده کؤپ. اونینگ30دن آشیق اثرلرینی یاشیم بیر یرگه باریب قالگنده قئته دن اؤقیب چیقه یاتگه نیم، مینینگ نوایی حقیده گی فکرلریمنی آستین- اوستین قیلیب تشله دی. طلبه لیک دوریمده گی نوایی بیلن حاضرگی نوایی اؤرته سیده فرق کتته. کوچیم باریچه نوایی شناسلر قؤلی یتمه گن نقظه لرگه ترمه شیب، قلمی تیلیدن بیران بیر ینگی راق نرسه نی سوغیریب، تاپیب چیقیش إیلینچی إیله یشَب کیله یپمن. بیر معناده نوایی مینگ أیللیک ادبیّاتیمیزنی اؤز کؤلنکه سیگه آلیب توریبتی. باشقه شاعر و ادیبلر، ادبی اثر و اؤزبیک ادبیّاتی مساله لری خصوصیده فکر ائتیش امکانی تاپیلمه یپتی کیمنه ده. نوایی سباقلریگه دوام بیریب، بوگون ینه« وقفیه»دن سؤز آچماقچی من.
اؤز پئتیده قـئـناق حیات نینگ هیچ بیر مساله سی و اجتماعلی قتلملرنینگ هیچ بیر گروهی بویوک علیشیر نوایی بابامیز نظریدن چیتده قالمه گن. نوایی همّه - هّمّه نرسه لرنینگ اؤلچمینی تاپیب قریچله گن، کیشیلر، منصبلر و واقعه- حادثه لرنینگ عدالتلی بهاسینی بیره آلگن. تورلی کسب ایگه لریگه بیریلگن إیش حقی کیشیده عجیب بیر تصوّر پیدا قیلسه اؤرنی بار.
1. آلتی خوش خوان حافظ( قاری، مقامچی) و مُصدّر( مجلسنی باشقریب توروچی)گه:
- أیللیق نقده بیش یوز آلتون؛
- مناصفه( یریم أیلگه) آشلیق اؤن بیش یوک؛
سایر( باشقه لرگه)دین هر بیریگه:
- أیللیق نقده یوز سیکسان آلتون؛
- بوغدای تؤرت یوک؛
شیحقه:
- أیللیق نقده مینگ آلتون؛
- منافصه( یریم أیلگه) آشلیق اؤن یوک؛
واعـظغه:
- أیللیق نقده بیش یوز آلتون؛
- بوغدای اؤن یوک؛
امامغه، مسجد جامعیغه خطیب بؤلوب، مکتب دَغی(ینه، قؤشیمچه) توتقی:
- أیللیق نقده إیکّی یوز آلتون؛
- بوغدای اؤن یوک؛
مقری( قرائـتچی)غه:
- أیللیق نقده یوز آلتون؛
- بوغدای بیش یوک؛
خاناقه طبّاخ( آشپز)یگه:
- أیللیق نقده إیکّی یوز سیکسان آلتون؛
- بوغدای بیش یوک.
طبقچی( آوقت ته شووچی):
- أیللیق نقده إیکّی یوز آلتون؛
- بوغدای بیش یوک.
بیر فراش( تازه لاوچی، سوپرووچی) و إیکّی خادمدین هر بیریگه:
- إیکّی یوز آلتوندین هر بیریگه آلتی یوز آلتون،
- بوغدای بیش یوکدین اؤن بیش یوک.
متولّی( وقفلرگه قره ب توروچی)کیم إیکّی آبدان( جوده یخشی) نوکر اسره غی.
+ ولایت زراعتی نسقی(اداره قیلووچی) اوچون:
- أیللیق نقده اوچ مینگ آلتون؛
- آشلیغ( آذوق- آوقت) اؤتّیز یوک کیم، بو مبلغ و مقدارین چهاردانگ(آلتی دن تؤرت حصّه سی)گین اؤزی آلغی، دو دانگین اول إیکاوگه یتکورگی.
مُشرفقه( یاردمچی):
- أیللیق نقده بیش یوز آلتون؛
- آشیلیک بیش یوک؛
+ صاحب جمع( ؟)غه
- أیللیق نقده بیش یوز آلتون؛
- آشلیغ بیش یوک.