نوایی نامه- نوایی دوریده اؤقوتووچی و طلبه لرنینگ آیلیگی قنچه بؤلگن؟

نوایی دوریده اؤقوتووچی و طلبه لرنینگ آیلیگی قنچه بؤلگن؟

>>>>>>>>>>>>>>>>>>>>>>>>>>>>>>>>>

بیله میزکه، علیشیر نوایی جوده کتته مال- ملک ایگه سی بؤلگن. ادیب اؤزیگه تیگیشلی بایلیکلر مقداری همده اولر قی مقصدلرده صرف- خرجت قیلینیشینی« وقفیه» اثریده، شرعی یؤسونده قید قیلیب کیتگن. اثرنینگ جَجِگینه قیلیب یازیلگن« ارباب ِ وظایف»(« إیش باشیلرنینگ وظیفه لری»)بؤلیمده طلبه لرنینگ آیلیک معاشی خصوصیده گپ باره دی، و قیزیق رقملرنی سَنب اؤتیله دی.

اؤشه دور تعلیم تیزیمگه کؤره، شاگردلر إیکّی حلقه( دایره/ دوره سالیب)گه بؤلینیب، تجربه لی، تقوادار قؤش مدرّس تامانیدن اولرگه سباق اؤتیب توریلگن. هر بیر حلقه( دوره) 11 ظلبه دن عبارت بؤلیب، همّه سی 22 کیشینی تشکیل بیرگن. إیکّی حلقه طلبه اؤز نوبتیده اوچ گروهلرگه بؤلینیب، هر بیر گروهگه طلبه لیک حق- حقوقی بیلگیلنگن. نوایی بولرنی قوئیده گی جمله لر بیلن منه بونده ی بیان قیله دی:

إیکّی عالم ِ متقی مدرّس بؤلغی: هر بیرینینگ أیللیق وظیفه سی 1200 آلتون نقده، 24 یوک آشلیغ کیم، ثلثی ارپه، ثلث ثانی بوغدای بؤلغی. هر حلقه درسده 11طالب ِعلم کیم باریسی 22 بؤلغی، 6 اعلی؛ هربیریگه آیلیق نقده 24 آلتون، أیلیده بوغدای 5 بیش یوک؛ وسط -8؛ آیلیغ هر بیریگه نقده 16 آلتون، بوغدای أیللیق 4 یوک؛ ادنی- 8: آیلیغ هر بیریگه نقده 12 آلتون، آشلیغ أییلیک اوچ یوک.

- هر بیر عالم نینگ بیر أیللیک آیلیگی: نقد 1200 آلتین، 24 یوک آشلیق، اوندن اوچدن بیری ارپه، إیکّی حصّه سی بوغدای بؤلگن. طبعی که بو آیلیک نوایی نینگ اؤز شخصی حسابیدن بیریب باریلگن.

طلبه لر اوچ گروه گه بؤلینگن:

- 6 اعلی درجه شاگرنینگ هر بیریگه: نقد 24 آلتین آیلیک، بیر أیلده بیش یوک بوغدای؛

- 8 وسط/ اؤرته چه اؤقیدیگن طلبه گه: هر آیی 16 نقد آلتین، بیر أیلده تورت یوک بوغدای؛

- 8 ادنی/ پست سویه ده اؤقووچی طلبه لرنینگ 8ته سیگه: هر آیی نقد 12 آلتین، هر أیلی اوچ یو ک بوغدای.

علیشیر نوایی مکمّل اثرلر تؤپملمی 14- تؤم.