تیل و ادبیّات
درباره سایت
آخرین مطالب
امکانات وب
شکرانه لیک یاخود-Thanksgiving
::::::::::::::::::::::::::::::::::::>>>
( کونده لیک دفتریدن)
کاناداده اکتبر آیی نینگ إیکّینچی دوشنبه سی رسمن شکرانه لیک کونی صفتیده بیلگیلب قؤئیلگن، دم آلیش کونی سنله دی. هر أیلی انه شو کونّی کانادالیکلر اخلاص و احترام إیله نشانشله دیلر...
قؤلیده آفتابه کیچه دیمی، کوندوز دیمی قبیله نی تیشه یاتگن مسلمان عالمیده شکرانه لیک کونی یؤق؛ عکسینچه بیر أیل نینگ بیر مینگ کونی ناشکرلیک... بیلن اؤته دی.
شکرانه لیک دیگنی: بیریلگن حیاتگه، فروان رزق و نعمتگه، آنه زمین اوزره بی منت یاغدو ساچه یاتگن بابا قویاشگه، ایزگو نیتلر ایجابتیگه، قؤلگه کیریتیلگن بار یخشیلیکلرگه، عایله، باله - چقه لر بختی اوچون شکر کیلتیریله دی بوکونده.
شوکونی بیز هم بیر کانادالیک دوستیمیزنیکیگه یریم ساعت یؤل باسیب باردیک، مهمان له دیک. مللی آوقاتلریمیزدن پیشیریب، باردیک. کؤزلرده کولگو، صمیمی، آچیق یوز بیلن بیزنی کوتیب آلدیلر...
سالونگه کیره رکنمیز، میز اوستی هر خیل میوه یو سلادلر، تنسیق طعاملر بیلن بیزه تیب قؤئیلگن. جناب جانسین باره سالیب، بالکانیده ایلکترون قؤره( کؤره) ده، قویوق توتونلر بیلن آلیشه پیشه یاتگن تاووق ایتی، کباب گوشتلرینی بیرین- سیرین آغدریب، تابلشگه توشتی. میز اوستیده، هر خیل إیچیملیک: ودکا یو کانیاک، موزدیک طرفه بـیـیرلر و تورلی - تومن وَیَـن شرابلری تیریب قؤئلگن. دستورخوان اطرافیده موسیقه آهنگلرینی تینگلب اؤتیریب میز گپله شیب. بیر پئت جناب جانسین قئناق کبابلرنی کؤتریب کیردی و مجلس تؤریده اؤتیریب آلدی-ده، بیزگه انگلیسچه لب کولگیچ قیافه ده خوش کیلدینگیز، دیدی. بیز هم رحمت، دیه باش إیرغیتدیک. آره دن بیر دقیقه اؤتر- اؤتمس ضیافتنی مطلق جیملیک، ساکنلیک چولغه دی. إیچیمده« یا پیریم ایی! بولردن هم « بی معنی قرأت!»،« قاتلو!»، « قاتلو!» بارمی نیمه بلا؟!»- دیگن اویگه باردیم. یؤق، هر بلا اونداق بؤلمه دی.
جناب جانسین سؤز رشته سینی قؤلگه آلیب، برچه میزگه کتته یو، کیچیک بیر- بیرلرینگیز بیلن قؤل اوشله شینگ، - دیدی. یره تگن بیلن گپلشه یاتگنده ی همّه میز خِلصه گه توشدیک. تام جیملیک حکمران بؤلدی. یانیمده گی نبیره ام توران بیک: قؤلیده گی سنچغینی بؤشقابگه جرنگله ته یاتیب، نیمه بؤلدی باباجان؟ دیدی انگلسیچه لب خیرتلنگنچه. همّه سی یخشی دیدیم مین اونگه.
میزنینگ بیر باشیده اؤتیرگن جناب جانسین شکرانه لیک سؤزلرینی تخمین منه بونده ی ائته باشله دی:
- کائیناتده بیز بیلگن بیرگینه آنه سیاره میزگه حیات لباسینی کیئدیرگه نینگ اوچون شکرلر ائته میز!
- بو گؤزه ل حیات نفسینی بیزگه، برچه جان ذاتلرگه هدیه ائله گه نینگ اوچون شکر!
- بیزگه تاتلی عمر بغیشلب، ساغلیک - سلامت لیک عطا قیلگه نینگ اوچون شکر!
- دستورخوانیمیزنینگ تؤله لیگی اوچون شکر!
- تازه سو، تینیق هوا، سؤلیم طبعیت ینگ اوچون شکر!
- کؤنگلیمیزنی قوناقلیک، شادلیکلر إیله تؤلدیر گه نینگ اوچون شکر!
- آته -آغیل- مقدّس روح! سین بیزنی برچه توبنلیکلردن سقه گه نینگ تشکّر!
- بوتون باریلیق ایگه سی« آسمانی اته میز عیسی مسیح!»( انه بویاغی مزخرفات دیدیم إیچیمده) خدانینگ سیوکلی اؤغلی ایکه نینگنی تصدیقلب، سیگه شکرانه لر کیلتیره میز!
- لبلریمیزدن کولگو، دلیمیزدن امیدنی اوزمه، معنالی یشش حرکتینی بیزدن دریغ توتمه گی سن آمین!!!
شو زمان خیالیمینی فلسفی تفکّر و شاعرانه اؤی- خیاللر چولغب آلدی. قؤی، میلی. آدملر اؤیلب تاپگن ایسه -ده، سینگه شونده ی خدانینگ نیمه ضرری تیگه دی؟ دیه اؤزیمگه سوال بیردیم. بو خدانینگ نیشی یو تیشلری سوغوریب آلینگن، زهرسیزلنتیریلگن، قؤرقمه هیچ قنده ی زیانی تیگمه یدی، دیگن صدا کیلدی إیچیمدن. مهمی آنگ و شعورینگنی دلاللر( پیغمبر، شیّادلر، آیت الله لر، شیخ، ملا، آخوند و باشقه دینفروشلر)اختیاریگه قؤئیمه! سین بختیارسن! دیگن اون کیلدی قولاغیمگه.
سؤنگره جناب جانسینگه: چیرکاگه باره سنمی، دیه سؤره دیم. یؤق دیدی او! کلیسا مینینگ قؤللریم نینگ قداغیده دیه، جواب قیلدی دوستیمیز جانسین بای. إیش- محنتگه تابلنگن کفتلرینی آچیب. خلص، اؤتیریش میز، ضیافت عادّی، تکلف سیز اؤتدی. بوگونگه منه شولر. کؤزگینه لری میلتیللب تورگن شرابلرنی هم یتیم قیلمه دیک. اؤزی سؤز باشی شوندن ابتدا تاپگندی راستی گپ.
برچسب:
نویسنده: ترانه قنبریپور