تیل و ادبیّات
درباره سایت
آخرین مطالب
امکانات وب
اوشبو شعرنی 1994-أیلی، سوینیب- سوینیب، ایلکه میزنی قویاش نینگ یللیغی سیئله دیمیکن؟! دیه یازیب ایدیم. لیکن، بوگون مین ایورلیشلر بیلن کیله جک سری آقیب بارماقده من. تؤغری، اؤتمیشنی قومَسب قلمگه آلگنمن بو شعرده... اما، شونی ایسدن چیقرمه یلیک که، اؤتمیش بوگون ایمس؛ بوگون هم اؤتمیش ایمس. اجدادلریمیزنینگ خطاسی اؤرته عصرگه تعلقلی؛ بیزنینگ خطایمیز اولرنیکه گه قره گنده مینگ چندان آرتیق راق. خفه بؤلمه نگ عزیزلر! تؤغریسینی ائته قالی: نه « تورک میز!»، نه- ده « اؤزبیک!» بیر هاوووچ عرب پرست، دین زده و تازیلر نینگ خرافات خرمانیدن سرقت یگووچیسی مخلوق میز.
مین هم تاریخ نینگ اینگ کیچیک بیر ذرّه چه سی من. یخشی - یامن سؤزلریم إیچیده شو هم بؤله قالسین، دیگن فکر بیلن اؤقی یاتگه نینگیز شعرنی بوگون فیسبوککه قؤئیشگه قرار قیلدیم.
ینه بیر اعتراف، شو اؤز کمترین ایجادیم بیلن انچه مونچه إیش قیله آلیشیمگه کوچیم ایته دی؛ بیراق، اؤزبیک( افغانستان) دیگن نادان و جاهل خلقنی منقورتلیکدن آزاد ایتیشگه عقلیم ایتمه یپتی. بو آرزو -إیلینچنی (مزاریم کو بؤلمس)، آلاو-النگه لر بیلن بارسه - کیلمسگه آلیب کیتسم کیره ک.
تورکینامه
++++++
اؤتمیشینگنی اېسله سم، کۉز اۉنگیمه شأنینگ کېلور،
اېسکی آلتای آرتیدن شوکتلی کاروانینگ کېلور.
اې مېنینگ آلتای بابام، سېن سن اۉرال تاغیم مېنینگ،
اۉزلیگیم نینگ چَشمه سی، کۉنگلیمگه ارمانینگ کېلور.
هونلرینگ - اجدادلرینگ تاریخ نینگ آلتین تاجیدیر،
کیئی توران تاجینگ ینه هونلیکّه میدانینگ کېلور.
اۉیله گۉبی دشتیدن تا رۉم قدر آت اۉینه تیب،
آلپ-تیانشان تاغیدن تورکانه جَولانینگ کېلور.
اؤچدی دېب مشعل چیراغ اۉکسینمه گیل اې مِلتیم،
اۉتمیشینگنی تیکله ماققه دَور-دَورانینگ کېلور.
تورکي آچون کۉزگوسین توتدی غبار دېب اۉیله مه،
تورک لیگینگنی اَنگله ماققه عهد و پیمانینگ کېلور.
یفتلینگ قیصر اسیرلیک باشیگه سالدی یوگن،
چین و کاشغردن ایپک یۉل باشله گن خانینگ کېلور.
کۉلتـَگین، بېلکه قاآن، بۉمین و ایستـَم دردینی،
پند اېترگه بیر کونی اؤگیتلی خاقانینگ کېلور.
اۉیغور و قیپچاق و قرلوق، توغسی و یغماسینی،
کۉکسیگه باسیب مـَحبتلی قراخانینگ کېلور.
اۉزگه بلبل، اۉزگه کۉیلرنینگ جفا و داغیدن،
آختـَریب اۉز باغینی محمود سلطانینگ کېلور.
چاپ یـَـشیندېک اوچقیر آتیم، آل تـَیاغینگ آلغه باس،
مـَعرکه میدانیگه سلجوق تورکمانینگ کېلور.
اۉخلـَمه، اۉیغان جیگر، آتیل فَلک نینگ تاشیدېک،
اؤزگه لرگه باشین ایگمس لیکّه پایان نینگ کېلور.
اېندی مَملوک سېن اېمس سن، اېندی قـوللیک دَور اېمس،
ایکّی مینگ ییل قـَعریدن فریاد و افغانینگ کېلور.
تۉقسان ایکـّی اېلنی اۉز اطرافیگه بیرلـَشتیریب،
دشتِ قیپچاقدن خـُراسان ساری شـَیبانینگ کېلور.
عرضِ حال اېت، سۉزگه تیل آچ، دلده گی دردینگنی اَیت،
اېگمه باش، قدّینگنی تیک توت، دېب کۉره گانینگ کېلور.
هیلپیره ت اېرک بـَیراغینگ تا بیر یوزین بـُنیادی بار،
آنه تورکستان اوچون بیر آنگلی اۉغلانینگ کېلور.
ایشانچ تۉره
1994-أیل/ جوزا/ شبرغان
برچسب:
نویسنده: ترانه قنبریپور